पिंपरी चिंचवड महापालिकेच्या कर्जाची होणार चौकशी, माजी आयुक्तांच्या अडचणीत वाढ, मुख्यमंत्र्यांकडे तक्रार

पिंपरी चिंचवड: नाशिक येथील कुंभमेळ्याचे आयुक्त म्हणून ज्यांची नियुक्ती करण्यात आली त्या शेखर सिंह यांच्या पिंपरी चिंचवड महापालिका आयुक्तपदाचा कार्यकाळातील कारभारावर प्रश्नचिन्ह निर्माण करण्यात आले आहे. त्यामुळे सिंह आणि त्यांचे तत्कालीन सहकारी असलेल्या पिंपरी चिंचवड महापालिकेतील अतिरिक्त आयुक्त प्रदीप जांभळे पाटील यांच्या कार्यकाळात घेतल्या गेलेल्या कर्ज प्रकरणाची चौकशी करून शासनाच्या नगर विकास विभागाने पिंपरी महापालिकेच्या सामान्य प्रशासन विभागाकडे पत्र पाठवून तात्काळ चौकशी अहवाल सादर करण्याचे आदेश देण्यात आले आहेत. तसंच महापालिकेच्या कर्जाचा वस्तुस्थिती अहवाल देखील सादर करण्याचे निर्देश देण्यात आले आहेत.