Pune PMP Bus: 'पीएमपी'ची धाव आणखी वाढणार! पुणे स्टेशन ते येवलेवाडी थेट बससेवा सुरू, जाणून घ्या संपूर्ण मार्ग आणि वेळापत्रक

ही बस पुणे स्टेशन येथून सुटणार असून वेस्टएंड, महात्मा गांधी बसस्थानक, मिलिटरी हॉस्पिटल वानवडी, नेताजी नगर, लुल्लानगर, कोंढवा खुर्द, कोंढवा पोलिस स्टेशन, खडीमशीन, सिंहगड कॉलेज (कोंढवा रोड), कोंढवा हॉस्पिटल मार्गे येवलेवाडीपर्यंत धावणार आहे. या मार्गावर प्रवाशांना सोयीस्कर प्रवासाची सुविधा उपलब्ध होणार आहे.

पुणे स्टेशनहून पहिली बस पहाटे 4:58 वाजता सुटेल.

येवलेवाडी परिसरात गेल्या काही वर्षांत मोठ्या प्रमाणावर नवीन वसाहती, सोसायट्या आणि शैक्षणिक संस्था उभारल्या गेल्या आहेत. त्यामुळे येथील लोकसंख्या झपाट्याने वाढली आहे. आतापर्यंत प्रवाशांना कोंढवा खुर्दपर्यंत बस मिळत होती, त्यानंतर पुढे जाण्यासाठी त्यांना खाजगी वाहतुकीवर अवलंबून राहावे लागत होते. त्यामुळे वेळ आणि पैशांचा दोन्हींचा अपव्यय होत होता. मात्र, आता पीएमपीने थेट येवलेवाडीपर्यंत बससेवा उपलब्ध करून दिल्याने प्रवाशांचा प्रवास अधिक सोयीचा होणार आहे.

पुणे शहरात वाहतूक कोंडी कमी करण्यासाठी आणि लोकांना सार्वजनिक वाहतुकीकडे वळवण्यासाठी पीएमपीकडून विविध उपक्रम राबवले जात आहेत. दररोज लाखो प्रवासी पीएमपी बसने प्रवास करतात. त्यात नव्याने जोडल्या जाणाऱ्या मार्गांमुळे प्रवाशांचा प्रवास अधिक सुलभ आणि किफायतशीर होत आहे.