पुणे तिथे काय...., स्वस्त आणि आरामदायी प्रवासाचा ‘पुणेरी पॅटर्न’, आता देशात नवा विक्रम

नव्या वातानुकूलित, आरामदायी आणि आधुनिक बसमुळे प्रवास अधिक सुखकर झाला आहे. बसची संख्या वाढल्याने गर्दी नियंत्रणात आली असून फेऱ्यांची संख्याही वाढवण्यात आली आहे. विशेष म्हणजे कष्टकरी, नोकरदार, महिला, विद्यार्थी आणि मध्यमवर्गीय नागरिकांसाठी अतिशय स्वस्त दरात ‘अटल बससेवा’ आणि ‘पुण्यदशम’ सेवा सुरू करण्यात आली. अटल बससेवेमुळे अवघ्या पाच रुपयांत पाच किलोमीटरचा प्रवास शक्य झाला, तर दहा रुपयांत पुण्यदशम सेवा उपलब्ध करून देण्यात आली. स्वारगेट, डेक्कन, शिवाजीनगर, पुणे स्टेशन आणि महात्मा गांधी बस स्थानक (पुलगेट) यांसह मध्य पुण्यातील नऊ मार्गांवर पुण्यदशम बस धावत आहेत.

या निर्णयांमुळे पुण्यातील प्रदूषणात घट होण्यासोबतच सर्वसामान्य नागरिकांना सक्षम, जलद आणि स्वस्त वाहतुकीचा पर्याय मिळाला आहे. त्यामुळे पीएमपीएमएलच्या या परिवर्तनाला पुणेकरांकडून मोठ्या प्रमाणात सकारात्मक प्रतिसाद मिळत आहे, असे केंद्रीय राज्यमंत्री मुरलीधर मोहोळ यांनी सांगितले.