Pune: ऐन दिवाळीत पुण्यातून धक्कादायक घटना समोर, कोरेगावमध्ये पबमधले VIDEO व्हायरल, पोलिसांचं दुर्लक्ष

मिळालेल्या माहितीनुसार,  पुण्यातील कोरेगाव आयटी पार्क परिसरात ही घटना घडली. या भागात एक नामांकित पबमध्ये पत्त्यांचा डाव रंगला होता.  या पबमध्ये बंदी असताना देखील जुगार रंगला होता. लोक एकीकडे दिवाळीचं लक्ष्मीपूजन करत होते. तर दुसरीकडे, या पबमध्ये दिवाळी पार्टीमध्ये पोकर खेळण्यात आला होता.  दिवाळी पार्टीमध्ये कायद्याने बंदी असलेला जुगार खेळण्यात आला.

कसिनो प्रमाणे डाव जमवला होता. यासाठी मोठ्या प्रमाणात जुगार खेळणाऱ्यांनी गर्दी केली.  पुण्यातील कोरेगाव पार्कमध्ये असणाऱ्या पब मध्ये अनेकजण जुगार खेळतानाचे व्हिडिओ आता समोर आले आहे. या पबमधील व्हिडीओ व्हायरल झाले आहे. या घटनेमुळे पुण पोलिसांच्या कार्यक्षमतेवर प्रश्नचिन्ह निर्माण झाले आहे. या घटनेकडे मात्र पुणे पोलिसांचं दुर्लक्ष असल्याचं समोर आलं आहे.