पुणे हादरलं! पती कामाला गेला की तो घरात घुसायचा अन्...; 8 महिन्यांनी खुलासा होताच सरकली पायाखालची जमीन

पोलिसांनी दिलेल्या माहितीनुसार, पीडित महिला आपल्या पती आणि लहान मुलीसह आंबेगाव परिसरात वास्तव्यास आहे. साधारण आठ महिन्यांपूर्वी, जेव्हा पीडितेचा पती कामासाठी घराबाहेर गेला होता, तेव्हा मुख्य आरोपी गुरू दोडमणी याने घरात प्रवेश केला. त्याने पीडितेच्या पती आणि मुलीचा जीव घेण्याची धमकी दिली आणि तिच्यावर अत्याचार केला. आपल्या कुटुंबाच्या जिवाला धोका निर्माण होईल, या भीतीने पीडितेने या घटनेबद्दल कोणालाही सांगितले नाही.

या सततच्या मानसिक आणि शारीरिक त्रासाला कंटाळून अखेर पीडितेने धैर्याने आंबेगाव पोलीस ठाण्यात धाव घेऊन तक्रार दिली. पोलिसांनी या प्रकरणी गुरू दोडमणी (वय २५), मयूर (वय २६) आणि दीपक काटकर (वय २४) या तिघांविरुद्ध विविध कलमान्वये गुन्हा दाखल केला आहे. या घटनेमुळे लिपाणे वस्ती परिसरात मोठी खळबळ उडाली आहे.

या गंभीर गुन्ह्याचा तपास सहाय्यक पोलीस निरीक्षक भोजलिंग दोडमिसे करत आहेत. आरोपींच्या अटकेसाठी पोलिसांनी चक्रं फिरवली असून, पीडितेचा जबाब नोंदवून पुढील कायदेशीर प्रक्रिया केली जात आहे.