'आपला गेम होणार...', गणेश काळेला आधीच मिळाली होती टीप, वडिलांकडून मोठा खुलासा

पुण्यात पुन्हा एकदा गँगवॉरनं डोकं वर काढलं आहे. आंदेकर टोळीने शनिवारी माजी नगरसेवक वनराज आंदेकरच्या खूनाचा दुसरा बदला घेतला. दोन महिन्यांपूर्वी आंदेकर टोळीने आयुष कोमकरची हत्या केली होती. त्यानंतर शनिवारी कोंढवा परिसरातील खडी मशीन चौक ते येवलेवाडी दरम्यानच्या पेट्रोल पंपासमोर दुपारी साडेतीनच्या चार जणांनी गणेश काळेचा गोळ्या घालून आणि कोयत्याने वार करून खून केला. गणेश काळे हा वनराज आंदेकर खून प्रकरणातील आरोपी समीर काळेचा भाऊ होता. तो रिक्षा चालक म्हणून काम करत होता. पण समीर काळे सध्या तुरुंगात असल्याने आंदेकर टोळीने त्याच्या भावाला टार्गेट बनवलं.