Cyber Crime : तुम्हालाही असा फोन आला तर सावधान! क्षणातच पुण्यातील आजोबांचे 16 लाख खात्यातून गायब

पुणे : सायबर गुन्हेगार नवनवीन मार्गांनी नागरिकांना फसवण्याचे प्रकार सातत्याने करत आहेत. याचाच अनुभव मॉडेल कॉलनीतील एका ७० वर्षीय ज्येष्ठ नागरिकाला आला आहे. 'तुमचे पेन्शन सर्टिफिकेट तयार करत आहोत,' अशी बतावणी करून सायबर चोरट्यांनी त्यांच्या बँक खात्यातून तब्बल १६ लाख ५ हजार रुपयांची मोठी रक्कम ऑनलाईन पद्धतीने काढून घेऊन फसवणूक केली आहे. याप्रकरणी चतुःशृंगी पोलीस ठाण्यात अज्ञात सायबर चोरट्यांविरुद्ध गुन्हा दाखल करण्यात आला आहे.