Pune Crime : 'चल आपण पहिला नंबर ठरवू...', विद्येच्या मंदिरातच शिक्षकाचे अल्पवयीन मुलीसोबत लज्जास्पद कृत्य!

Pune Daund Crime News : शिक्षक हा समाजाचा खरा शिल्पकार असतो, जो विद्यार्थ्यांच्या व्यक्तिमत्वाचा पाया रचतो. अंधारातून प्रकाशाकडे नेणारा 'ज्ञानदीप' म्हणून शिक्षकाकडे पाहिलं जातं. जेव्हा समाजात अशा पवित्र नात्याला गालबोट लावणाऱ्या घटना घडतात. अशातच पुणे जिल्ह्यातील दौंड तालुक्यातून गुरुवारी एक धक्कादायक आणि संतापजनक प्रकार उघडकीस आला आहे. शालेय शिक्षण घेणाऱ्या एका अल्पवयीन मुलीसोबत शिक्षकानेच गैरवर्तन केल्याने परिसरात मोठी खळबळ माजली आहे. शैक्षणिक क्षेत्राला काळीमा फासणाऱ्या या घटनेनंतर आरोपीविरुद्ध कठोर कारवाई करण्याची मागणी जोर धरू लागली आहे.