Pune Drugs Party Case : FC रोड ड्रग्ज पार्टी प्रकरणी पुणे पोलीस अ‍ॅक्शन मोडवर; 'त्या' 2 तरुणांची नावे समोर

लिक्विड लिझर लाउंज (L3) या ठिकाणी राज्य उत्पादन शुल्क विभागाकडून अवैध दारुचा साठा जप्त करण्यात आला आहे. तसंच हॉटेल रेनबोचा परवाना देखील रद्द करण्याची कारवाई करण्यात आली आहे. राज्य उत्पादन शुल्क विभागानं लिक्विड लिझर लाउंज (L3) या हॉटेलची तपासणी केली असता त्यामध्ये मोठ्या प्रमाणात विनापरवाना मद्यसाठा आढळून आला आहे. महाराष्ट्र दारुबंदी कायदा 1949 अंतर्गत गुन्हा दाखल करून एकूण 6 आरोपींना अटक करण्यात आलेली आहे. या कारवाईमध्ये एकूण 241 लिटर विदेशी मद्य आणि इतर साहित्य असा एकूण 3 लाख किंमतीचा मुद्देमाल जप्त करण्यात आलेला आहे.