Pune : नववर्षात पुणेकरांना डबल गिफ्ट! दोन महत्त्वाच्या महामार्गांना अंतिम मंजुरी; कधी सुरु होणार काम?

तळेगाव- चाकण-शिक्रापूर हा राष्ट्रीय महामार्ग क्रमांक 548 डी असून या मार्गाची दुरुस्ती आणि सुधारणा दोन टप्प्यांमध्ये केली जाणार आहे. एकूण सुमारे 53.200 किलोमीटर लांबीचा हा महामार्ग असणार असूनयातील 24.200 किलोमीटरचा भाग उन्नत स्वरूपात विकसित केला जाणार आहे. उर्वरित मार्ग जमिनीच्या पातळीवर राहणार आहे. या प्रकल्पामुळे औद्योगिक पट्टा असलेल्या चाकण परिसरातील वाहतूक अधिक सुलभ होणार असून वाहनचालकांचा वेळ आणि इंधन दोन्हीची बचत होणार आहे.

याशिवाय हडपसर-यवत या मार्गाचाही मोठ्या प्रमाणावर विकास करण्यात येणार आहे. या प्रकल्पाअंतर्गत सहा पदरी उन्नत महामार्ग उभारण्यात येणार असून सध्याच्या रस्त्याचेही सहा पदरीकरण केले जाणार आहे. परिणामी पुणे-सोलापूर महामार्गावरील वाहतूक कोंडी कमी होण्याची अपेक्षा आहे. विशेषतहा अवजड वाहतूक, मालवाहतूक आणि दैनंदिन प्रवासी यांना याचा मोठा फायदा होणार आहे.

हे दोन्ही महत्त्वाचे पायाभूत सुविधा प्रकल्प पुढील 2 ते 3 वर्षांच्या कालावधीत पूर्ण करून वाहनचालकांसाठी सुरु करण्याचे उद्दिष्ट ठेवण्यात आले आहे.