Pune-Mumbai Train : पुणे-मुंबई रेल्वेसेवा 3 दिवस 'ठप्प'; या 14 एक्स्प्रेस रद्द, अनेक गाड्यांना विलंब

पुणे : मध्य रेल्वेच्या मुंबई विभागात महत्त्वाचे काम हाती घेण्यात येणार आहे. यामुळे पुणे-मुंबई रेल्वेसेवा सलग तीन दिवस मोठ्या प्रमाणात विस्कळीत होणार आहे. लोणावळा स्थानकाच्या यार्डमध्ये रिमॉडेलिंग आणि आर अँड डी मार्गिकेचे विस्तारीकरण करण्यात येणार आहे. यासाठी रेल्वे प्रशासनाने ७, ८ आणि १० डिसेंबर रोजी 'ब्लॉक' घेतला आहे. या कामामुळे मेल-एक्स्प्रेस गाड्यांसह लोकल सेवांवरही थेट परिणाम होणार आहे.