परराज्यातील टोळी; चकाकी आणण्याच्या बहाण्याने घ्यायचे लोकांचे दागिने अन् करायचे गायब; अखेर अशी झाली पोलखोल

सिंहगड रोड परिसरात राहणाऱ्या संगीता विश्वनाथ वरघडे (वय ६५) या महिला भाजी विक्रीचा व्यवसाय करतात. काही दिवसांपूर्वी त्या दांडेकर पुलाजवळील चारभुजा दुकानापाशी उभ्या असताना, आरोपींनी त्यांच्याशी संपर्क साधला. "आम्ही सोन्या-चांदीचे दागिने पॉलिश करून चकाकी आणून देतो," असे सांगून त्यांनी संगीता यांचा विश्वास संपादन केला. पॉलिश करण्याच्या प्रक्रियेदरम्यान चोरट्यांनी अत्यंत शिताफीने हातचलाखी केली आणि संगीता यांच्या हातातील २० ग्रॅम वजनाच्या दोन सोन्याच्या बांगड्या लंपास केल्या.