निलेश घायवळ प्रकरणात मोठा ट्विस्ट, रविंद्र धंगेकरांचा पुण्यातील भाजपच्या बड्या नेत्यावर गंभीर आरोप, समीर पाटील कोण?

Ravindra Dangekar On Nilesh Ghaywal : पुण्यातील कोथरूडमध्ये राडा घातल्यानंतर स्विझरलँडला पळालेल्या निलेश घायवळवर कारवाई कधी होणार? असा प्रश्न उपस्थित होत असताना आता पुण्यातील राजकारण पेटताना पहायला मिळतंय. आगामी महापालिका निवडणुकीच्या पार्श्वभूमीवर पुण्यातील गुन्हेगारी चर्चेच्या केंद्रस्थानी आहे. काही दिवसांपूर्वी भाजप आमदार चंद्रकांत पाटील यांना निलेश घायवळवर प्रश्न विचारल्यावर पाटलांनी उत्तर न देता वाट धरल्याने अनेकांच्या भूवया उंचावल्या होत्या. अशातच आता शिंदे गटाचे नेते रविंद्र धंगेकर यांनी पत्रकार परिषदेच्या माध्यमातून जोरदार टीका केली आहे.