Pune Crime : पत्र्याचं घर तरीही 7 लाख दिले, पुन्हा जावयाची 20 लाखांची मागणी! हुंडाबळी प्रकरणात वैष्णवीच्या आईचा धक्कादायक खुलासा

Pune Vaishnavi Jamkar Dowry Death Case (सुरेश जाधव, प्रतिनिधी) : ऐकीकडे पोरांची लग्न जुळत नसल्याने समाजिक परिस्थिती हाताबाहेर असताना गेल्या काही दिवसांपासून पुण्यातील हुंडाबळी प्रकरणात मोठ्या प्रमाणावर वाढ होत आहे. गेल्या दोन महिन्यात अनेक प्रकरण समोर येत असताना पुणे जिल्ह्यातील लोणीकंद परिसरातून एक धक्कादायक घटना समोर आली आहे. बीड जिल्ह्यातील कामानिमित्त पुण्यात स्थायिक झालेल्या एका कुटुंबातील 22 वर्षीय विवाहितेने कौटुंबिक छळाला कंटाळून गळफास घेत आत्महत्या केल्याची घटना घडली होती. वैष्णवी यशवंत लाटे असं मृत तरुणीचं नाव आहे. अशातच वैष्णवीच्या आईने धक्कादायक माहिती दिली आहे.