Pune Water Cut: पुणेकर पाणी जपून वापरा, 2 दिवस खोळंबा होणार, कधी आणि कुठं? पाहा सविस्तर

पुणे: पुणेकरांसाठी महत्त्वाची बातमी आहे. रावेत उपसा केंद्र येथून पुणे शहरास पाणीपुरवठा करणारी मुख्य जलवाहिनी बाजूला हटविण्याचे काम हाती घेण्यात आले आहे. बुधवारी, 21 जानेवारी रोजी हे काम करण्यात येणार असल्याने तांत्रिक कामासाठी संबंधित जलवाहिनीवरील पाणीपुरवठा पूर्णतः बंद ठेवण्यात येणार आहे. त्याचा परिणाम शहरातील काही भागांतील पाणीपुरवठ्यावर होणार आहे. तसेच गुरुवारी, 22 जानेवारी रोजी पाणीपुरवठा उशिरा आणि कमी दाबाने होईल, अशी माहिती पाणीपुरवठा विभागाकडून देण्यात आली आहे.