Sharad Pawar : 'दादांची इच्छा पूर्ण व्हावी हीच आमची इच्छा', शरद पवारांचं सर्वात मोठं वक्तव्य! राष्ट्रवादीच्या विलिनिकरणाला ग्रीन सिग्लन!
- Published by:Saurabh Talekar
Last Updated:
Sharad Pawar On NCP Merger : दोन राष्ट्रवादी एकत्र व्हाव्यात ही दादांची इच्छा होती. त्यांची ही इच्छा पूर्ण व्हावी अशी आमची इच्छा आहे, असं मोठं वक्तव्य शरद पवार यांनी पत्रकार परिषदेत केलं आहे.
Sharad Pawar On NCP Merger : दिवंगत उपमुख्यमंत्री अजित पवार यांच्या अकाली निधनानंतर आता राष्ट्रवादी काँग्रेसमध्ये मोठी खळबळ उडाली असून आमदारांची मोठी पंचाईत झाली आहे. राष्ट्रवादी काँग्रेसचं विलीनीकरणाविषयी अनेक तर्कवितर्क लावले जात आहे. पण विलिनीकरणाच्या मार्गात अनेक अडसर आहेत. अशातच काल रात्री बारामतीमध्ये बैठक बोलवण्यात आली होती. मात्र, सुनेत्रा पवार यांनी बैठकीला उपस्थिती न लावता मुंबईच्या दिशेने वाटचाल केली. त्यानंतर आता राष्ट्रवादीच्या विलिनिकरणाला शरद पवार यांनी ग्रीन सिग्लन दिला आहे.
मी नरेश अरोराला ओळखत नाही - शरद पवार
सुनेत्रा पवार या आज उपमुख्यमंत्रीपदाची शपथ घेणार आहेत. अशातच आता सुनेत्रा पवार मुंबईला रवाना झाल्यानंतर शरद पवार यांनी सकाळी मला काही कल्पना नाही, असं वक्तव्य करत खळबळ उडवून दिली. मी नरेश अरोराला ओळखत नाही. त्यांच्याकडे काही बैठक झाली याची मला माहिती नाही, असं शरद पवार म्हणाले. त्यावेळी त्यांनी राष्ट्रवादीच्या विलिनिकरणावर मोठं वक्तव्य केलं. यामुळे आता महाराष्ट्राच्या राजकारणात मोठी खळबळ उडाल्याचं पहायला मिळतंय.
advertisement
'दादांची इच्छा पूर्ण व्हावी हीच आमची इच्छा'
दोन राष्ट्रवादी एकत्र व्हाव्यात ही दादांची इच्छा होती. त्यांची ही इच्छा पूर्ण व्हावी अशी आमची इच्छा आहे, असं मोठं वक्तव्य शरद पवार यांनी पत्रकार परिषदेत केलं आहे. त्यामुळे आता दोन्ही राष्ट्रवादी एकत्र येणार का? हे पाहणं महत्त्वाचं ठरणार आहे. पण काल रात्री यासाठीच आयोजित केलेल्या बैठकीआधी अजित पवार यांच्या पत्नी सुनेत्रा पवार, पुत्र पार्थ पवार आणि जय पवार हे मुंबईला रवाना झाले. तिघंही शरद पवारांसोबतच्या बैठकीला हजर राहिले नाहीत.
advertisement
प्रतिभा पवारांना फोनवरून सांगितलं
दरम्यान, सुनेत्रा पवारांनी केवळ प्रतिभा पवारांना फोनवरून शपथ घेण्यासाठी मुंबईला जात असल्याच सांगितल्याची माहिती समोर आली आहे. त्यानंतर आज शरद पवार यांनी आज पत्रकार परिषदेत धक्कादायक खुलासा केला. सुनेत्रा पवारांसोबत आमची कोणतीही चर्चा नाही , शपथविधी आहे हे आम्हाला माहितच नाही पटेल तटकरे त्यांच्या पक्षाचे नेते त्यांच्या पक्षानं काय करावं हा त्यांचा अधिकार असल्याचं शरद पवार यांनी म्हटलं आहे.
Location :
Baramati,Pune,Maharashtra
First Published :
Jan 31, 2026 9:40 AM IST
मराठी बातम्या/पुणे/
Sharad Pawar : 'दादांची इच्छा पूर्ण व्हावी हीच आमची इच्छा', शरद पवारांचं सर्वात मोठं वक्तव्य! राष्ट्रवादीच्या विलिनिकरणाला ग्रीन सिग्लन!
