लालपरी रस्त्यात बंद पडली? आता नो टेन्शन, एसटीचा मोठा निर्णय, शिवशाही अन् ई-शिवाई...

पुणे : राज्य मार्ग परिवहन महामंडळाच्या (एसटी) लालपरी बस प्रवासादरम्यान अचानक बंद पडल्यास प्रवाशांना मोठा दिलासा देणारा निर्णय घेण्यात आला आहे. एसटी बसमध्ये तांत्रिक बिघाड, अपघात किंवा अन्य कारणामुळे प्रवास खंडित झाल्यास, त्या प्रवाशांना मागून येणाऱ्या कोणत्याही एसटी बसमधून मग ती साधी, निमआराम, शिवशाही, ई-शिवाई किंवा शिवनेरी असली तरी विनाशुल्क व तातडीने प्रवासाची सुविधा देणे आता बंधनकारक करण्यात आले आहे. या संदर्भात परिवहन मंत्री प्रताप सरनाईक यांनी सर्व विभाग नियंत्रकांना स्पष्ट आदेश दिले आहेत.