Pune News : पुण्यातील भटक्या श्वानांवर डिजिटल नजर, मायक्रो चिपद्वारे होणार अचूक नोंदणी, असा आहे उपक्रम

पुणे: पुणे शहरातील भटक्या श्वानांची वाढती संख्या महापालिकेसाठी डोकेदुखी ठरत आहे. त्यात आता नव्याने समाविष्ट गावांमधील श्वानांची भर पडल्याने निर्बीजीकरण आणि लसीकरण मोहीम अधिक आव्हानात्मक बनली आहे. या समस्येवर दीर्घकालीन उपाय म्हणून महापालिकेच्या पशुवैद्यकीय विभागाने नवे पाऊल उचलले आहे. दिल्ली आणि जयपूरच्या धर्तीवर आता पुणे शहरात भटक्या श्वानांच्या त्वचेमध्ये मायक्रो चिप बसविण्याचा प्रायोगिक उपक्रम राबविण्याचा निर्णय घेण्यात आला आहे. हा प्रयोग यशस्वी झाल्यानंतर इतर ठिकाणीही राबवण्यात येणार आहे.