आकर्षक राख्यांनी सजली बाजारपेठ, किंमत ऐकून थक्क व्हाल, पुण्यातून Local18 खास रिपोर्ट, VIDEO

पुणे : रक्षाबंधन हा सण एक अत्यंत महत्त्वाचा सण मानला जातो आणि यावर्षी हा सण आता अवघ्या 15 दिवसांवर येऊन ठेपला आहे. त्यामुळे रक्षाबंधनानिमित्त बाजारपेठेत आकर्षक राख्या दाखल झाल्या आहेत. महिलांना या राख्या भुरळ घालत आहे. बहिण-भावाच्या पवित्र नात्याचे प्रतीक असलेला पवित्र सण रक्षाबंधन साजरा होणार आहे. त्यामुळे पुण्यातील बाजारपेठेत विविध प्रकारच्या आकर्षक राख्यासह पारंपारिक गोंडा राखी बाजारात विक्रीस दाखल झाली आहे. याबाबत लोकल18 च्या टीमने घेतलेला हा आढावा.

महिलांकडून राख्यांच्या दुकानात खरेदीसाठी गर्दी केली जात आहे. शहराच्या विविध भागांमध्ये लहान-मोठ्या राखी विक्रीचे दुकाने सजल्याचे दिसत आहे. परदेश तसेच शहराबाहेर कामानिमित्त असलेल्या भाऊरावांना वेळेत राखी पोचण्यासाठी आत्तापासूनच राखी खरेदी करण्याकडे महिलांचा कल वाढला आहे. चांगल्यात चांगली आणि आकर्षक राखी खरेदीस महिलांकडून पसंती दिली जात आहे.

या राख्यांची किंमत 2 रुपयांपासून ते 500 रुपयांपर्यंत आहे. कपल राखीमध्ये दोन राख्यांपैकी महिलांना सिंगल दोऱ्याची अर्थात बांगड्यांना बांधता येईल, अशी लट राखी आणि तशीच बनावट असलेली डबल दोऱ्याची पुरुषांसाठी राखी यंदाचे नावीन्य आहे.

चिमुकल्यांसाठी लायटिंग राख्या, छोटा भीम, डोरेमॉन, मोटू पतलू, श्री गणेशा, श्रीकृष्ण अशा राख्या बाजारात विक्रीस आल्या आहे. लायटिंग, लाकडी, पपेट, कडा राखीसह पारंपारिक देव राखी अशा विविध प्रकारच्या राख्या बाजारात विक्रीस आल्या आहेत, अशी माहिती राखी व्यावसायिक अमित बागमार यांनी दिली.