Ashadhi Wari 2025: घडो तुझी सेवा...! वारकरी सेवेसाठी 100 जणांची दुकानं बंद, तुम्हीही कराल कौतुक!

सोलापूर: आषाढी वारीसाठी दिंड्या, पताका घेऊन लाखो वारकरी पंढरीच्या दिशेने निघाले आहेत. या वारकऱ्यांच्या सेवेलाच ईश्वरसेवा मानून हजारो भाविक जमेल ती सेवा देत असतात. सोलापुरातील सात रस्ता परिसरात उपलप मंगल कार्यालय येथे श्री संत गजानन महाराज यांच्या पालखीचे आगमन झाले. तेव्हा श्री संत सेना नाभिक दुकानदार संघ सेवाभावी संस्था सोलापूर यांच्या वतीने वारकऱ्यांची मोफत दाढी-कटिंग करण्यात आली. जवळपास 2000 सालापासून ही परंपरा अखंडपणे चालत असून पुढेही चालू राहील, असे सेवाभावी संस्थेचे अध्यक्ष अभयकुमार कांती यांनी सांगितले.