Ganeshotsav 2025: घरात गर्भवती स्त्री असताना गणपती विसर्जन करावं का? शास्त्र काय सांगतं?

पुणे: महाराष्ट्रासह देशभरात गणेशोत्सव मोठ्या उत्साहात साजरा केला जातो. गणेशोत्सव म्हटलं की रुढी, परंपरा आणि श्रद्धा यांचा मिलाफ डोळ्यासमोर उभा राहतो. अनेक परंपरांना शास्त्रीय आधार असतो, तर काही परंपरा फक्त लोकश्रद्धेमुळे आजही टिकून आहेत. अशाच परंपरांपैकी एक म्हणजे जर कुटुंबात गर्भवती स्त्री असेल तर गणपतीची मूर्ती विसर्जन न करता ती मूर्ती वर्षभर घरात ठेवली जाते. पण खरोखरच गणपती बाप्पाची मूर्ती अशा परिस्थितीत घरात ठेवायची असते का? की हा फक्त लोकांचा गैरसमज आहे? या रुढी परंपरेविषयी ज्योतिषतज्ज्ञ शंकर पाटील यांनी लोकल 18 ला माहिती दिली आहे.