Sharad Purnima 2023: शरद पौर्णिमेला असं करा लक्ष्मीपूजन; वर्षभर मोजाल नोटा, वाढतच जाईल संपत्ती

मुंबई, 13 ऑक्टोबर : यंदा शरद पौर्णिमा 28 ऑक्टोबरला साजरी होणार आहे. या रात्री चंद्रग्रहणही होणार आहे. शरद पौर्णिमेला चंद्रदेव आणि माता लक्ष्मीची पूजा केली जाते. शरद पौर्णिमेच्या दिवशी देवी लक्ष्मीची विधीपूर्वक पूजा केल्यानं देवी प्रसन्न होते, अशी श्रद्धा आहे. तसेच शरद पौर्णिमेच्या दिवशी चंद्राची पूजा केल्याने मनाला शांती आणि शीतलता प्राप्त होते. असं मानलं जातं की, शरद पौर्णिमेच्या रात्री चंद्राची किरणे अमृताचा वर्षाव करतात, म्हणून रात्री चंद्रप्रकाशात खीर, मसाले दूध तयार करावे आणि पूजेनंतर ते प्रसाद म्हणून खावे. मात्र, यंदा 28 ऑक्टोबरला शरद पौर्णिमेला चंद्रग्रहण असल्याने हे काम कदाचित शक्य होणार नाही. पण, शरद पौर्णिमेच्या दिवशी देवी लक्ष्मीची योग्य प्रकारे पूजा केल्यास देवी लक्ष्मी प्रसन्न होऊन भरपूर संपत्ती आणि समृद्धी देते.