हनुमान चालीसा नियमित का वाचावी? नीम करोली बाबांनी सांगितले होते प्रभावशाली महत्व

उत्तराखंडातील नैनीतालच्या जवळील कैंची धाम हे त्यांचं प्रसिद्ध आश्रमस्थान आहे. बाबा पहिल्यांदा 1961 साली या ठिकाणी आले होते आणि 1964 साली त्यांनी या ठिकाणी आश्रमाची स्थापना केली. बाबा नीम करोली यांचे समाधी स्थळ पंतनगरजवळ वसले आहे.

बाबा नीम करोली यांना हनुमानजींचा अवतार मानलं जातं. त्यांनी आपल्या भक्तांना हनुमान चालीसा हे महामंत्र मानावं असं आवर्जून सांगितलं होतं. त्यांच्या मते, हनुमान चालीसा रोज नित्यपणे वाचल्याने जीवनातील सर्व संकटं दूर होतात, मनाला शांती, कुटुंबाला समृद्धी आणि भक्ताच्या जीवनात यश प्राप्त होतं. त्यांनी असंही म्हटलं होतं की, हनुमान चालीसा वाचणारा माणूस धनवान होतो आणि त्याचं जीवन सुखकर होतं.

समर्थ रामदास स्वामींनंतर हनुमान मंदिरांच्या स्थापनेत सर्वाधिक योगदान देणारे संत म्हणून बाबा नीम करोली यांचं नाव घेतलं जातं. त्यांनी 108 हनुमान मंदिरांची स्थापना केली, ज्यामध्ये कैंची धाम आश्रमाचा समावेश होतो.दरवर्षी 15 जून रोजी येथे भव्य मेळा भरतो.जिथे देश-विदेशातून हजारो भक्त येतात.

कैंची धाम हे आश्रम फक्त भारतातच नव्हे तर विदेशातील भक्तांसाठीही एक आस्थेचे स्थान बनले आहे. अमेरिकेतील ऍपलचे सहसंस्थापक स्टीव्ह जॉब्स आणि फेसबुकचे मार्क झुकरबर्ग यांनीही बाबा नीम करोली यांच्याकडून प्रेरणा घेतल्याचे अनेकदा सांगितले गेले आहे.