Worlds Largest Shivling: जगातील सगळ्यात मोठं शिवलिंग स्थापनेसाठी तयार; हेलीकॉप्टरने होणार पुष्पवर्षा

नवी दिल्ली : बिहारमधील पूर्व चंपारण जिल्ह्यातील केसरिया येथे असलेल्या विराट रामायण मंदिर परिसरात जगातील सर्वात मोठे शिवलिंग आज दाखल झाले. हे 33 फूट उंच आणि 210 टन वजनाचे असून एकाच अखंड ब्लॅक ग्रॅनाइट दगडातून हे 'सहस्त्रलिंगम' साकारले गेले आहे. तामिळनाडूतील महाबलीपुरम येथून हे शिवलिंग गोपाळगंज मार्गे येथे पोहोचले आहे. तामिळनाडूवरून विशेष ट्रेलरवर ठेवून आणलेल्या या विशाल शिवलिंगाचे गोपाळगंजमध्ये भाविकांनी भव्य स्वागत केले. तिथे विधिवत पूजा-अर्चा केल्यानंतर ते केसरियाकडे रवाना करण्यात आले. प्रवासादरम्यान जागोजागी भाविकांनी 'हर-हर महादेव'चा जयघोष केला.