Asia Cup : पाकिस्तानची नांगी पुन्हा ठेचली, दुबईच्या मैदानात टीम इंडियाने केलं वस्त्रहरण, भारत सुपर-4 मध्ये!

दुबई : आशिया कपमध्ये पाकिस्तानविरुद्धच्या सामन्यात टीम इंडियाचा 7 विकेटने दणदणीत विजय झाला आहे. पाकिस्तानने दिलेलं 128 रनचं आव्हान टीम इंडियाने 15.5 ओव्हरमध्ये 3 विकेट गमावून पार केलं. कर्णधार सूर्यकुमार यादवने 37 बॉलमध्ये 47 रनची खेळी केली. तर ओपनर अभिषेक शर्माने 13 बॉलमध्ये 31 रन करून भारताला आक्रमक सुरूवात करून दिली. तिलक वर्माने 31 बॉलमध्ये 31 आणि शिवम दुबने नाबाद 10 रन केले. शुभमन गिल 10 रन करून पॅव्हेलियनमध्ये परतला. पाकिस्तानकडून सॅम अयुबने भारताच्या सगळ्या 3 विकेट घेतल्या.