क्रिकेटवरच्या प्रेमामुळे संसार उद्ध्वस्त, आणखी दिग्गज खेळाडूची पत्नी झाली 'बेवफा'!
- Published by:Shreyas Deshpande
Last Updated:
क्रिकेटचं मैदान गाजवणाऱ्या ब्रेट लीने त्याच्या वैयक्तिक आयुष्यात अनेक चढ-उतारांना तोंड दिले. त्याचे पहिले लग्न तुटल्यानंतर त्याला मानसिक धक्का बसला.
मुंबई : ऑस्ट्रेलियाचा माजी फास्ट बॉलर ब्रेट लीने क्रिकेटच्या मैदानावर बराच काळ वर्चस्व गाजवले. त्याचा लांब रनअप, स्मूथ ऍक्शन आणि तुफानी वेग हे एक घातक समीकरण होते. खेळपट्टी कशीही असो, बॉल हातात पडताच ब्रेट ली नेहमीच आग ओकायचा. पण क्रिकेटचं मैदान गाजवणाऱ्या ब्रेट लीने त्याच्या वैयक्तिक आयुष्यात अनेक चढ-उतारांना तोंड दिले. त्याचे पहिले लग्न तुटल्यानंतर त्याला मानसिक धक्का बसला. हे वादळ त्याच्या कारकिर्दीच्या शिखरावर असताना आलं.
ब्रेट लीने कधीही त्याचे वैयक्तिक आयुष्य उघड केले नाही. क्रिकेट चाहत्यांना कदाचित हे माहित नसेल की ब्रेट लीचे पहिले लग्न फक्त तीन वर्षात संपले आणि ब्रेकअपचे कारण त्याचे क्रिकेटवरील प्रेम होते. ज्या खेळामुळे त्याला संपत्ती आणि प्रसिद्धी मिळाली त्याच खेळामुळे त्याची पहिली पत्नी एलिझाबेथ केम्पने त्याची फसवणूक केली.
ब्रेट लीचे पहिले लग्न का मोडले याबद्दल वेगवेगळी मतं आहेत. ऑस्ट्रेलियन माध्यमांनुसार, ब्रेट लीची पहिली पत्नी एलिझाबेथचे एका रग्बी खेळाडूसोबत प्रेम होते, ज्यामुळे त्यांचा घटस्फोट झाला. घटस्फोटामागील कारण काहीही असो, ब्रेट ली आणि त्याच्या पत्नीमध्ये क्रिकेटवरून मतभेद होते हे खरे आहे. 2006 मध्ये जेव्हा ब्रेट लीने एलिझाबेथसोबत लग्न केले तेव्हा तो त्याच्या कारकिर्दीच्या शिखरावर होता.
advertisement
त्यावेळी ऑस्ट्रेलियाचे जागतिक क्रिकेटवर वर्चस्व होते आणि ब्रेट लीने महत्त्वाची भूमिका बजावली होती. आंतरराष्ट्रीय दौरे आणि सामन्यांमुळे ब्रेट ली अनेक महिने घरापासून दूर असायचा. या अंतरामुळे त्यांच्या नात्यात तणाव निर्माण झाला. ब्रेट लीच्या वारंवार प्रवासामुळे, एलिझाबेथला तिचं करिअर आणि वैयक्तिक जीवनात संतुलन राखणे कठीण झाले. लग्नानंतर त्यांना एक सुंदर मूल झाले, ज्यामुळे एलिझाबेथला एकटे वाटू लागले.
advertisement
2014 मध्ये ब्रेट लीचे पुन्हा लग्न
ब्रेट ली आणि एलिझाबेथला प्रेस्टन नावाचा मुलगा आहे. घटस्फोटानंतर त्यांनी मुलाला एकत्र वाढवण्याचा निर्णय घेतला. अनेक माध्यमांच्या वृत्तांत असेही म्हटले आहे की ब्रेट लीचे क्रिकेटवरील प्रेम आणि एलिझाबेथसाठी वेळ देण्यास असमर्थता यामुळे दोघांमध्ये वैचारिक मतभेद वाढले होते. परिणामी, त्यांनी वेगळे होण्याचा निर्णय घेतला. घटस्फोटानंतर, ब्रेट ली सुमारे पाच वर्षे अविवाहित राहिला आणि 2014 मध्ये त्याने लाना अँडरसनशी लग्न केले.
Location :
Mumbai,Maharashtra
First Published :
Jan 29, 2026 11:09 PM IST
मराठी बातम्या/स्पोर्ट्स/
क्रिकेटवरच्या प्रेमामुळे संसार उद्ध्वस्त, आणखी दिग्गज खेळाडूची पत्नी झाली 'बेवफा'!
