Trending:

9 टेस्ट, 130 पाईंट्स... टीम इंडिया इथून पुढं WTC फायनलमध्ये पोहचू शकेल का? DK ने विस्कटून सांगितलं गणित

Published by:Saurabh Talekar

Last Updated:November 29, 2025 8:58 AM IST

Dinesh Kartik On WTC Final : टीम इंडियाचा माजी स्टार विकेटकीपर फलंदाज दिनेश कार्तिक याने WTC फायनलमध्ये कसं पोहोचता येईल? यावर भाष्य केलं आहे.

इम्पॅक्ट शॉटतुमचा गेटवे लेटेस्ट न्यूज

World Test Championship final : साऊथ अफ्रिका आणि टीम इंडिया यांच्यातील कसोटी मालिकेत पाहुण्या संघाने एकहाती विजय मिळवत मालिका खिशात घातलीये. अशातच आता टीम इंडियावर चौफेर टीका होताना दिसतीये. इंग्लंडविरुद्ध टीम इंडियाला फक्त सिरीज ड्रॉ करता आली तर मागील WTC सायकलमध्ये न्यूझीलंडविरुद्धचा घरातील पराभव जिव्हारी लागला होता. अशातच आता साऊथ अफ्रिकेने देखील घरात घुसून आपल्याला हरवलं आहे. त्यानंतर आता WTC फायनलमध्ये पोहोचायचं कसं? असा प्रश्न विचारला जातोय. त्यावर आता दिनेश कार्तिकने एक फॉर्म्युला शेअर केला आहे.

काय म्हणाला DK?

टीम इंडिया नक्कीच WTC फायनलमध्ये प्रवेश करू शकते. पण हे तितकं शक्य असणार नाही. WTC फायनलमध्ये क्वालिफाय करायला तुम्हाला अंदाजे 130 पाईंट्स लागतात, हे आत्तापर्यंतच्या ट्रेंडनुसार समोर आलं आहे. टीम इंडियाने आत्तापर्यंत 18 पैकी 9 सामने खेळले आहेत. भारताकडे आता 52 पाईंट्स आहेत. तर त्यांची टक्केवारी 48.15% इतकी आहे. अशातच आता WTC फायनलमध्ये जायचा विचार जरी करायचा असेल तर 78 पाईंट्सची गरज भारताला आहे, असं दिनेश कार्तिक म्हणाला.

कमीतकमी 6 सामने जिंकण्याची गरज

आता एक टेस्ट मॅच जिंकल्यावर 12 पाईंट्स तुम्हाला मिळतात आणि जर सामना ड्रॉ केला तर चार पाईंट्स मिळतात. याचाच अर्थ असा आहे की, टीम इंडियाला उर्वरित 9 मॅचमध्ये कमीतकमी 6 सामने जिंकण्याची आणि 2 सामने ड्रॉ करण्याची गरज आहे. किंवा 7 सामन्यात विजय आणि प्रार्थना करावी लागेल की, साऊथ अफ्रिका आणि ऑस्ट्रेलिया कुठंतरी माती खातील, असं डीके म्हणाला.

View this post on Instagram

A post shared by Dinesh Karthik (@dk00019)

2 श्रीलंका, 2 न्यूझीलंड, 5 ऑस्ट्रेलिया

भारताला आगामी 9 टेस्च मॅच खेळायच्या आहेत. त्यातील 2 मॅच या श्रीलंकाविरुद्ध श्रीलंकेमध्ये खेळायच्या असतील. तर 2 मॅच या न्यूझीलंडविरुद्ध न्यूझीलंडमध्ये खेळायच्या आहेत. तर भारतात ऑस्ट्रेलियाविरुद्ध 5 सामन्यांची मालिका खेळायची आहे. यामध्ये टीम इंडियाला आपला दम दाखवावा लागेल. आता टीम इंडियापुढे मोठं आव्हान असणार आहे. त्यामुळेच साऊथ अफ्रिकेविरुद्धची मालिका महत्त्वाची होती, असंही डीके म्हणाला.

वेळच उत्तर देईल - दिनेश कार्तिक

दरम्यान, साऊथ अफ्रिका आणि ऑस्ट्रेलिया या दोन्ही संघाची कामगिरी पाहण्याजोगी असेल. टीम इंडियाने आधीही कमबॅक चांगलं केलं आहे. पण आता टीम इंडिया असा चमत्कार करू शकेल का? हे पाहणं महत्त्वाचं ठरणार आहे. वेळच यावर उत्तर देईल, असं दिनेश कार्तिक म्हणाला आहे.

view comments

Location :

Mumbai,Maharashtra

First Published :

November 29, 2025 8:58 AM IST

9 टेस्ट, 130 पाईंट्स... टीम इंडिया इथून पुढं WTC फायनलमध्ये पोहचू शकेल का? DK ने विस्कटून सांगितलं गणित

आरक्षण ओलांडलेल्या नगर परिषद, नगर पंचायतींचे काय होणार? सुप्रीम कोर्टाने महत्त्व

आरक्षण ओलांडलेल्या नगर परिषद, नगर पंचायतींचे काय होणार? सुप्रीम कोर्टाने महत्त्व
आरक्षण ओलांडलेल्या नगर परिषद, नगर पंचायतींचे काय होणार? सुप्रीम कोर्टाने महत्त्व
आरक्षण ओलांडलेल्या नगर परिषद, नगर पंचायतींचे काय होणार? सुप्रीम कोर्टाने महत्त्व

View All