48व्या वर्षी दिग्गज क्रिकेटपटूचं दुसरं लग्न, 18 वर्ष लहान गर्लफ्रेंडसोबत सुरू केली नवी इनिंग!

स्ट्रॉसची दोन्ही मुलं सॅम्युअल आणि लुका, हे देखील या खास कार्यक्रमासाठी उपस्थित होते. स्ट्रॉसची पहिली पत्नी रूथ यांचे 29 डिसेंबर 2018 रोजी फुफ्फुसांच्या कर्करोगाने निधन झाले. त्याच्या पहिल्या पत्नीच्या मृत्यूनंतर, तो बराच काळ अविवाहित राहिला, पण तो गेल्या दोन वर्षांपासून अँटोनियाला डेट करत होता आणि अखेर त्यांनी लग्न केले. लग्न अतिशय खाजगी ठेवण्यात आले होते, फक्त कुटुंबातील सदस्य या सोहळ्याला उपस्थित होते. म्हणूनच ऑस्ट्रेलियामध्ये सुरू असलेल्या अॅशेस मालिकेदरम्यान स्ट्रॉस दिसला नव्हता.

अँटोनिया लिनियस-पीट सध्या एका कला सल्लागार कंपनीची संचालक आहे. पूर्वी, ती पीआर एक्झिक्युटिव्ह होती. अँटोनिया लिनियस-पीट हाँगकाँगमध्ये लहानाची मोठी झाली आणि विल्टशायरमधील एका प्रतिष्ठित शाळेत शिकली. अँटोनिया आणि स्ट्रॉस दोन वर्षांपूर्वी एका कार्यक्रमात भेटले आणि डेटिंग करू लागले.

इंग्लंडसाठी 231 आंतरराष्ट्रीय सामने खेळणारा अँड्र्यू स्ट्रॉस त्याची पहिली पत्नी रूथच्या नावावर एक फाउंडेशन देखील चालवतो. स्ट्रॉसने 2019 मध्ये रूथ स्ट्रॉस फाउंडेशनची स्थापना केली. या फाउंडेशनचे उद्दिष्ट कर्करोगाने पालक गमावलेल्या कुटुंबांना मदत करणे आहे. ही संस्था धूम्रपान न करणाऱ्यांमध्ये होणाऱ्या फुफ्फुसाच्या कर्करोगाच्या संशोधनासाठी निधी देखील उभारते.