14 वर्षांनंतर पुन्हा भारतात येणार फुटबॉलचा 'किंग', 4 शहरांमध्ये मेस्सीचा जलवा, महाराष्ट्रच्या मैदानातही उतरणार!

मुंबई : फुटबॉलचा दिग्गज खेळाडू लिओनेल मेस्सी या वर्षाच्या अखेरीस भारतामध्ये येणार आहे. स्वत: मेस्सीने त्याच्या भारत भेटीची पुष्टी केली आहे. याआधी मेस्सी 2011 साली भारतात आला होता, आता 14 वर्षानंतर आता हा महान फुटबॉलपटू भारतात पुन्हा एकदा येणार आहे. भारतासारख्या फुटबॉलप्रेमी देशात परतणे हा माझ्यासाठी खूप मोठा सन्मान आहे, असं मेस्सी म्हणाला आहे.