IND vs AUS 1st T20 : पावसाचा खेळ, भारताला पुन्हा बॅटिंग मिळाली नाही तर... ऑस्ट्रेलियाला किती रनचं टार्गेट?

कॅनबेरा : भारत आणि ऑस्ट्रेलिया यांच्यातल्या पहिल्या टी-20 सामन्यात पावसामुळे सतत व्यत्यय येत आहे. आतापर्यंत फक्त 9.4 ओव्हरचा खेळ झाला आहे, पण यातच दोनवेळा मॅच थांबवण्यात आली आहे. पावसामुळे थांबलेला सामना सुरू झाला तेव्हा 18 ओव्हरची मॅच करण्यात आली, पण त्यानंतर पुन्हा एकदा पावसाला सुरूवात झाली. पावसामुळे दुसऱ्यांदा खेळ थांबला तेव्हा भारताचा स्कोअर 9.4 ओव्हरमध्ये 97/1 एवढा झाला आहे. सूर्यकुमार यादव 24 बॉलमध्ये 39 आणि शुभमन गिल 20 बॉलमध्ये 37 रनवर खेळत आहेत.