'माझ्यामुळे मॅच हरलो...'; सचिन तेंडुलकर शाळेतील मुलासारखा रडला, Pain Killer घेऊन झळकावले होते शतक

India vs Pakistan Rivalry मध्ये आज अशा एका मॅचबद्दल जाणून घेऊयात ज्याच्या निकालानंतर भारताचा मास्टर ब्लास्टर सचिन तेंडुलकर एका लहान मुलासारखा ढसाढसा रडला होता. ही घटना आहे 1999 सालची, तेव्हा पाकिस्तानचा संघ भारत दौऱ्यावर आला होती. दोन्ही संघात २ सामन्यांच्या कसोटी मालिकेतील पहिली कसोटी चेन्नईत झाली.

चेन्नईसारख्या भारताचा बालेकिल्ला असलेल्या मैदानावर संघ जेव्हा फलंदाजीला आला तेव्हा त्यांची सुरुवात अतिशय खराब झाली. भारताचा निम्मा संघ फक्त 82 धावांवर माघारी परताल होता. सदागोपन रमेश, व्हीव्हीएस लक्ष्मण, राहुल द्रविड, मोहम्मद अझरुद्दीन, सौरव गांगुली हे दिग्गज फलंदाज बाद झाले होते. मैदानावर सिचन तेंडुलकर आणि नयन मोंगिया फलंदाजी करत होते. भारताचा पराभव निश्चित होता. फक्त तो किती धावांनी याची पाकिस्तान वाट पाहत होता.

सचिन बाद झाला तेव्हा भारताला विजयासाठी 95 ओव्हरमध्ये फक्त 16 धावा हव्या होत्या. मात्र तळातील तिघा फलंदाजांना या 16 धावा करता आल्या नाहीत आणि भारताने ही लढत 12 धावांनी गमावली.भारताच्या दुसऱ्या डावात सचिन, मोगिया आणि द्रविड वगळता एकाही फलंदाजाला दुहेरी धावसंख्या करता आली नव्हती.

मॅच झाल्यानंतर जेव्हा सामनावीर पुरस्कारासाठी सचिन तेंडुलकरचे नाव पुकारण्यात आले तेव्हा तो पुरस्कार घेण्यासाठी आला नाही. राज सिंह डूंगरपुर यांनी प्रशिक्षक रमाकांत गायकवाड यांना निरोप पाठवला सचिनला सामनावीर पुरस्कार घेण्यासाठी बोलवा. यावर गायकवाड म्हणाले, तो पुरस्कार घेण्यासाठी येऊ शकत नाही कारण तो रडतोय. जेव्हा डुंगरपुर डेसिंग रुममध्ये गेले तेव्हा सचिन एका शाळेतील मुलासारखा रडत बसला होता. ते म्हणाले, सर्व दोष तू स्वत:वर का घेतोस? तुला शक्य होते ते तू केलेस, जा आणि सामनावीर पुरस्कार घे. त्यावर सचिन म्हणाला- नाही सर, माझ्यामुळे ही मॅच गमावली. सचिन तेव्हा सामनावीर पुरस्कार घेण्यासाठी आला नाही.

या सामन्यात भारताचा 12 धावांनी पराभव झाला होता. आणि पाकिस्तान संघाने तब्बल 36 धावा अतिरिक्त म्हणून दिल्या होत्या. भारतीय डावात सचिनने सर्वाधिक 136, मोंगियाने 52 आणि त्यानंतर अतिरिक्त धावा सर्वाधिक होत्या.

चेन्नई कसोटीतील विजयासह पाकिस्तानने मालिकेत 1-0 अशी आघाडी घेतली. त्यानंतर दोन्ही संघात दिल्लीत दुसरी कसोटी झाली ज्यात कसोटी क्रिकेटच्या इतिहासातील एक दुर्मिळ विक्रम झाला होता.