IPL 2024 : मुंबई-गुजरात-मुंबई; हार्दिक पंड्याच्या 'रिटर्न जर्नी' ची ही महत्त्वाची कारणं

2015 च्या आयपीएल ऑक्शनमध्ये बडोद्याकडून खेळणाऱ्या हार्दिक पंड्याचं नाव पुकारण्यात आलं. तेव्हा अवघ्या २२ वर्षांच्या या ऑलराऊंडर प्लेयरसाठी बोली लावणारी मुंबई इंडियन्स ही एक मात्र टीम होती. यावेळी फक्त 10 लाखात हार्दिक पंड्या मुंबई टीममध्ये आला त्यानंतर तडाखेबंद बॅटिंग आणि तितक्याच धारदार बॉलिंगमुळे तो मुंबईचा स्टार खेळाडू बनला. परंतु 2021 चा आयपीएल सीझन हार्दिकसाठी खराब ठरला त्यामुळे त्याच वर्षी मेगा ऑक्शनआधी प्लेयर्स रिटेन करायची वेळ आली तेव्हा मुंबईनं रोहित शर्मा, जसप्रीत बुमरा, कायरन पोलार्ड आणि सूर्यकुमार यादव या चौघांना रिटेन केलं आणि हार्दिक आयपीएलमध्ये पहिल्यांदाच मुंबई पलटनच्या बाहेर पडला.

2022 मध्ये आयपीएल स्पर्धेत दोन नव्या टीम आयपीएलमध्ये सामील झाल्या. यावेळी मूळचा गुजरातचा असल्यानं गुजरात टायटन्सनं हार्दिकवर विश्वास दाखवला आणि हार्दिक पंड्याकडे टीमचे कॅप्टनपद सोपवले. गुजरात टायटन्सने हार्दिकच्या नेतृत्वात 2022 चं आयपीएल टायटलही जिंकले तर 2023 च्या स्पर्धेत देखील टीम फायनलपर्यंत पोहोचली. सलग दोन आयपीएलमधल्या तगड्या परफॉर्मन्समुळे हार्दिक पंड्यासह गुजरात टायटन्सचा दबदबा वाढला.