Trending:

IPL 2025: ओपनिंग मॅच खेळणारे KKR, RCB होणार फायनलच्या शर्यतीतून बाहेर? IPLची पहिलीच मॅच म्हणजे ‘मिनी फायनल’

Published by:Jaykrishna Nair

Last Updated:March 15, 2025 5:08 PM IST

IPL 2025 KKR vs RCB: IPL 2025 चा थरार 22 मार्चपासून सुरू होणार असून पहिल्या सामन्यात गतविजेता कोलकाता नाइट रायडर्स आणि ट्रॉफीच्या शोधात असलेला रॉयल चॅलेंजर्स बेंगलुरू आमनेसामने येणार आहेत. IPL च्या इतिहासात पहिल्या सामन्याचा थेट परिणाम संपूर्ण हंगामावर झाल्याचे दिसून आले आहे. यंदा पहिल्याच सामन्यात कोण चमकणार आणि कोण अपयशी ठरणार, याकडे क्रिकेटप्रेमींचं लक्ष लागलं आहे.

मुंबई: IPLचा 18वा हंगाम 22 मार्चपासून सुरू होत आहे. क्रिकेट विश्वातील सर्वात मोठी आणि श्रीमंत टी-20 लीगबद्दल चाहत्यांच्या मनात उत्सुकता वाढली आहे. स्पर्धेतील 10 संघ नव्या हंगामाच्या तयारीला लागले आहेत. पहिला सामना गतविजेता कोलकाता नाइट रायडर्स (KKR) आणि रॉयल चॅलेंजर्स बेंगळुरू (RCB) यांच्यात रंगणार आहे. गेल्या हंगामात KKR ने सनरायझर्स हैदराबाद (SRH) ला हरवत तिसऱ्यांदा विजेतेपद पटकावले होते.

RCB च्या नव्या कर्णधाराची परीक्षा

या हंगामात RCB च्या कर्णधारपदाची जबाबदारी रजत पाटीदारवर सोपवण्यात आली आहे. RCB ने 2009, 2011 आणि 2016 मध्ये अंतिम फेरी गाठली, मात्र प्रत्येक वेळी संघ विजेतेपदापासून दूर राहिला. त्यामुळे यंदा त्यांच्यासमोर मोठे आव्हान असणार आहे.

IPL सुरू होण्याआधी टीम इंडियाचा कॅप्टन रोहित शर्माला मिळाली गुड न्यूज

IPL च्या उद्घाटन सामन्याचे ऐतिहासिक आकडे काय सांगतात?

IPL 2008 पासून आतापर्यंत 17 हंगाम खेळले गेले आहेत. मात्र, केवळ 6 वेळा उद्घाटन सामना खेळणाऱ्या संघाने विजेतेपद पटकावले आहे.

-पहिला सामना खेळणाऱ्या संघाने केवळ 6 वेळा (2011, 2014, 2015, 2018, 2020, 2023) विजेतेपद मिळवले आहे.

-फक्त 3 वेळा (2011, 2014, 2018) पहिला सामना जिंकणाऱ्या संघाने विजेतेपद मिळवले आहे.

-तर 3 वेळा (2015, 2020, 2023) पहिला सामना हरलेल्या संघानेही IPL जिंकले आहे.

यावरून स्पष्ट होते की पहिल्या सामन्याचा निकाल विजेतेपदासाठी निर्णायक ठरत नाही, मात्र आकडेवारीनुसार KKR आणि RCB दोघांनाही अधिक सावध राहावे लागणार असे असे म्हटले तर चुकीचे ठरू नये.

IPL इतिहासातील सर्वात यशस्वी संघ

-आतापर्यंत मुंबई इंडियन्स (MI) आणि चेन्नई सुपर किंग्स (CSK) यांनी प्रत्येकी 5 वेळा (MI - 2013, 2015, 2017, 2019, 2020, CSK - 2010, 2011, 2018, 2021, 2023) विजेतेपद मिळवले आहे.

-KKR 3 वेळा (2012, 2014, 2024) विजेता ठरला आहे.

बुमराहचे करिअर धोक्यात? MIच्या माजी प्रशिक्षकाच्या दाव्यानंतर अफवांना ऊत

- सनरायझर्स हैदराबाद आणि डेक्कन चार्जर्स यांनी प्रत्येकी 1 वेळा विजेतेपद मिळवले आहे. तर राजस्थान रॉयल्स (2008) आणि गुजरात टायटन्स (2022) यांनी 1-1 ट्रॉफी उचलली आहे.

IPL ट्रॉफी न जिंकणारे संघ

IPL मध्ये आजवर RCB, दिल्ली कॅपिटल्स (DC) आणि पंजाब किंग्ज (PBKS) या संघांना एकदाही विजेतेपद मिळवता आलेले नाही. तसेच, पूर्वी अस्तित्वात असलेल्या पुणे वॉरियर्स, गुजरात लायन्स आणि कोची टस्कर्स या संघांनाही एकदाही ट्रॉफी जिंकता आली नाही.

22 मार्चला होणाऱ्या KKR विरुद्ध RCB सामन्याने IPL 2025 च्या धामधुमीला सुरुवात होईल. यंदाच्या हंगामात RCB त्यांच्या पहिल्या विजेतेपदाची प्रतीक्षा संपवणार का, हे पाहणे उत्सुकतेचे ठरणार आहे.

Location :

Mumbai,Maharashtra

First Published :

March 15, 2025 5:02 PM IST

IPL 2025: ओपनिंग मॅच खेळणारे KKR, RCB होणार फायनलच्या शर्यतीतून बाहेर? IPLची पहिलीच मॅच म्हणजे ‘मिनी फायनल’