IPL Commentaryमधून हकालपट्टी विराट-रोहितमुळे नव्हे, इरफान पठाणचा स्फोटक खुलासा; पडद्यामागची खरी गोष्ट उघड

इरफानने त्यांच्यात कोणतीही वैयक्तिक मतभेद किंवा स्पर्धा नसल्याचे म्हटले. तसेच त्याने बडोद्याच्या (Baroda) क्रिकेटपटूंना नेहमीच पाठिंबा दिल्याचे सांगितले. आमच्यात कोणतीही स्पर्धा नाही. दीपक हुडा, कृणाल पांड्या किंवा हार्दिक पांड्या- माझ्या नंतर जेवढे खेळाडू बडोद्यातून आले आहेत. त्यांच्यापैकी कोणीही असे म्हणू शकत नाही की इरफान-युसूफने त्यांना मदत केली नाही, असे इरफानने सांगितले.

व्ही.व्ही.एस. लक्ष्मणने स्टार स्पोर्ट्सवर मान्य केले की- 2012 मध्ये त्याने माझा सल्ला ऐकला नाही आणि हार्दिकला निवडले नाही, ही त्याची चूक होती. जर त्याने तेव्हा हार्दिकला निवडले असते, तर तो हैदराबादकडून खेळला असता, असे इरफानने सांगितले.

इरफानने पुढे हे देखील स्पष्ट केले की- सार्वजनिक टीकेच्या वेळीही त्याने हार्दिकचा बचाव केला होता. आयपीएल 2024 च्या आधी रोहित शर्माला कर्णधारपदावरून काढल्यानंतर हार्दिकला मुंबई इंडियन्सच्या चाहत्यांकडून टीकेचा सामना करावा लागला होता. त्यावेळी मी त्यांची बाजू घेतली आणि सांगितले की खेळाडूबद्दल काहीही वाईट बोलू नका, असे म्हटले होते.

खेळाडूंच्या कारकिर्दीत टीका होणे ही एक नैसर्गिक गोष्ट आहे, असे इरफानने सांगितले. महान खेळाडू सुनील गावस्कर आणि सचिन तेंडुलकर यांनाही टीकेचा सामना करावा लागल्याचे त्याने उदाहरण दिले, पण वैयक्तिक हल्ल्यांवर मात्र त्याने आक्षेप घेतला.

खेळाडूवर टीका करणे चुकीचे नाही, जर तुम्ही खेळत असाल तर तुम्हाला त्यातून जावे लागेल. हे सुनील गावस्कर आणि महान सचिन तेंडुलकर यांच्या बाबतीतही घडले आहे... त्यांनी कधीही कोणाला हे जाणवू दिले नाही की ते खेळापेक्षा मोठे आहेत. पण हार्दिक पांड्याबद्दल वापरल्या गेलेल्या अपमानास्पद शब्दांच्या मी विरोधात आहे, असे तो म्हणाला.