PBKS vs MI : 6 बॉलमध्ये मुंबई इंडियन्सचा खेळ खल्लास, शेवटच्या क्षणी गोलंदाजाने दिला धोका, पंजाबच्या खेळाडूने कसा फिरवला सामना?

PBKS vs MI Qualifier 2 Josh Inglis : इंडियन प्रीमियर लीग 2025 च्या दुसऱ्या क्वालिफायर सामन्यात पंजाब किंग्जने मुंबई इंडियन्सचा 5 विकेट्सने पराभव केला. या विजयासह पंजाब संघाने आपले स्थान पक्के केले आहे. आता 3 जून रोजी होणाऱ्या अंतिम सामन्यात पंजाब किंग्जचा सामना आरसीबीशी होईल. दुसऱ्या क्वालिफायरमध्ये पंजाबच्या विजयाचा सर्वात मोठा हिरो कर्णधार श्रेयस अय्यर होता, पण त्याआधी जोश इंग्लिसने जसप्रीत बुमराहच्या एका षटकात 20 धावा काढून सामना पूर्णपणे पंजाब किंग्जच्या बाजूने वळवला. प्रभसिमरन सिंग आणि प्रियांश आर्य यांच्या विकेटनंतर असे वाटत होते की मुंबई सामना सहज जिंकेल पण जोश इंग्लिसने आपला डाव मंदावू दिला नाही आणि जसप्रीत बुमराहविरुद्ध आपले हात उघडले. मुंबईकडून सामन्यामधली पाचवी ओव्हर जसप्रीत बुमराह टाकण्यासाठी आला तेव्हा इंग्लिशने आक्रमक फलंदाजी करत सामन्याचा मार्ग बदलला.