Radha Yadav : टोमणे ऐकले पण पोरीला खेळवलं, लेकीनं केलं कष्टाचं चीज; बापानं अभिमानानं डोक्यावर मिरवली वर्ल्ड कपची ट्रॉफी!

Radha Yadav Struggle story : वर्ल्ड कप कुणीही जिंको, पोरं असो वा पोरी, वर्ल्ड कप तो वर्ल्ड कप होता है, अशी पोस्ट सोशल मीडियावर व्हायरल झाल्याचं दिसून आलं. भारतीयांनी टीम इंडियाच्या वुमेन्स संघाच्या कामगिरीचं कौतूक केलं अन् जंगी सिलेब्रेशन देखील केलं आहे. टीम इंडियाच्या विजयात राधा यादवची कामगिरी महत्त्वाची ठरली. लेफ्ट आर्म स्पिनर असलेल्या राधा यादवने मोक्याच्या क्षणी विकेट्स घेतल्या अन् टीम इंडियासाठी विजयाच्या वर्ल्ड कप विजयात मोलाची साथ दिली. लेकीची ही कामगिरी बाप उघड्या डोळ्यांनी स्टेडियममधून पाहत होता. वर्ल्ड कप जिंकल्यानंतर राधा यादवच्या वडिलांना अश्रू अनावर झाले अन् डोक्यावर वर्ल्ड कप घेऊन त्यांनी आनंद व्यक्त केला.