Ruturaj Gaikwad : 0,0,0,0... पृथ्वी शॉ ते कॅप्टन सगळ्यांचं बदक, पण एकटा नडला ऋतुराज, महाराष्ट्राची लाज वाचवली!

थिरुवनंतपूरम : टॉप-5 पैकी 4 जण शून्य रनवर आऊट झाले, टीमची अवस्था 18 रनवर 5 विकेट अशी झाली, पण ऋतुराज गायकवाडने किल्ला लढवून महाराष्ट्राला अडचणीतून बाहेर काढलं आहे. रणजी ट्रॉफीच्या मोसमाला आजपासून सुरूवात झाली आहे. केरळविरुद्ध मोसमाच्या पहिल्या सामन्याच्या पहिल्या अर्ध्या तासामध्येच महाराष्ट्राची अवस्था अत्यंत बिकट झाली होती. पृथ्वी शॉ, अर्शिन कुलकर्णी, सिद्धेश वीर आणि कर्णधार अंकित बावणे शून्य रनवर आऊट झाले, पण त्यानंतर ऋतुराजने 91 रनची झुंजार खेळी केली.