नाद नाय करायचा! जडेजा अन् सिराजच्या जोडीचा कहर, 45 ओवरमध्ये विंडिंजचं सरेंडर, वाचा संपूर्ण मॅच रिपोर्ट

भारताने दिवसाच्या खेळापूर्वी आपली पहिली डाव 5 विकेट्सवर 448 धावांवर घोषित करत 286 धावांची भक्कम आघाडी घेतली होती. प्रत्युत्तरात वेस्ट इंडिजची टीम दोन सत्रेही टिकू शकली नाही आणि दुसऱ्या डावात146 धावांवर सर्वबाद झाली. या विजयासह भारताने दोन सामन्यांच्या कसोटी मालिकेत 1-0 अशी आघाडी घेतली आहे. भारतासाठी अनुभवी अष्टपैलू रवींद्र जडेजाने या सामन्यात फलंदाजी आणि गोलंदाजी दोन्ही विभागात चमकदार कामगिरी केली. पहिल्या डावात नाबाद शतक झळकावणाऱ्या जडेजाने दुसऱ्या डावात ४ बळी घेतले. त्याला मोहम्मद सिराजने साथ दिली आणि त्याने 3 विकेट्स आपल्या नावावर केल्या.

अहमदाबादमध्ये झालेल्या पहिल्या कसोटी सामन्यात भारताचा वेगवान गोलंदाज मोहम्मद सिराजने आपल्या भेदक गोलंदाजीने इंग्लंडमध्ये केलेल्या कामगिरीची आठवण करून दिली. सिराजने पहिल्या डावात फक्त ४० धावा देत ४ महत्त्वाच्या विकेट्स घेतल्या तर दुसऱ्या डावात तो आणखी दमदार कामगिरी करताना दिसला. त्याने 11 ओवरमध्ये 31 धावा देत 3 विकेट्स घेतल्या आणि या सामन्यात एकूण 8 विकेट्स त्याने आपल्या नावावर केल्या.