Rohit Sharma : टीम इंडियाची कॅप्टन्सी काढल्यानंतर रोहित शर्माची पहिली प्रतिक्रिया, म्हणाला 'ऑस्ट्रेलिया दौऱ्यात मला...'
- Published by:Saurabh Talekar
Last Updated:
Rohit Sharma ODI Captaincy : वनडे सिरीजमध्ये शुभमन गिल हा भारताचा कॅप्टन असणार आहे. याच दरम्यान, रोहित शर्माने ऑस्ट्रेलिया दौऱ्याबद्दल मोठं वक्तव्य केलंय.
Rohit Sharma on Australia Tour : ऑस्ट्रेलिया दौऱ्यात युवा खेळाडू शुभमन गिल याच्या कॅप्टन्सीखाली टीम इंडिया खेळणार आहे. वनडे टीमची कॅप्टन्सी गेल्यानंतर, भारतीय टीमचा ओपनर रोहित शर्मा याने ऑस्ट्रेलिया दौऱ्याबद्दल पहिल्यांदाच वक्तव्य केलं आहे. टीम इंडियाला कॅप्टन म्हणून आपल्या शेवटच्या सामन्यात चॅम्पियन्स ट्रॉफीचा किताब जिंकवून देणारा रोहित शर्मा आता केवळ एक बॅट्समन म्हणून भारताच्या वनडे टीमचा भाग आहे. यंदा तो वनडेचा कॅप्टन म्हणून टीम इंडियामध्ये असणार नाही. ऑस्ट्रेलियाविरुद्ध 19 ऑक्टोबरपासून सुरू होणाऱ्या 3 सामन्यांच्या वनडे सिरीजमध्ये शुभमन गिल हा भारताचा कॅप्टन असणार आहे. याच दरम्यान, रोहित शर्माने ऑस्ट्रेलिया दौऱ्याबद्दल मोठं वक्तव्य केलंय.
ऑस्ट्रेलिया दौऱ्याबद्दल काय म्हणाला?
मंगळवारी मुंबईतील सीएट अवॉर्ड्स कार्यक्रमात हिटमॅन रोहित शर्मा हा स्लिम फिट आणि डॅशिंग लूकमध्ये दिसला. याच शोमध्ये स्पेशल अवॉर्ड रोहित शर्माला मिळाला, ज्याने देशाला मार्चमध्ये चॅम्पियन्स ट्रॉफीचा किताब जिंकवून दिला होता. यावेळेस त्याला ऑस्ट्रेलिया दौऱ्याबद्दल प्रश्न विचारला गेला, तेव्हा त्यानं म्हटलं की, "मला ऑस्ट्रेलियाविरुद्ध खेळायला आवडतं, मला तिथं जायला आवडतं, ऑस्ट्रेलियामधील लोक क्रिकेटला खूप पसंत करतात आणि मलाही ऑस्ट्रेलियामध्ये क्रिकेट खेळायला आवडतं." ऑस्ट्रेलियाविरुद्ध रोहित शर्माचा रेकॉर्डही दमदार आहे. त्याने ऑस्ट्रेलियात वनडे क्रिकेटमध्ये 4 अर्धशतक आणि सिक्स शतक झळकावले आहेत.
advertisement
2027 चा वर्ल्ड कप खेळणार?
टी-20 इंटरनेशनल क्रिकेट आणि टेस्ट क्रिकेटला अलविदा करणारा रोहित शर्मा आता केवळ वनडे इंटरनेशनल क्रिकेटमध्येच ॲक्टिव्ह आहे. त्याचे स्वप्न आहे की, भारतासाठी वनडे विश्व कप जिंकावा, पण आता वय त्याच्या आड येत आहे. 2027 मध्ये पुढचा विश्व कप आहे आणि त्यावेळेस रोहित शर्मा 40 वर्षांचा झालेला असेल.
advertisement
शेवटचा इंटरनॅशनल टूर
दरम्यान, रोहित शर्मा स्वतःला फिट ठेवायला सुरुवात केली आहे, पण कॅप्टन, कोच, टीम मॅनेजमेंट आणि सिलेक्टर्सचा काय विचार आहे, हे येणारा काळ सांगेल. काही मीडिया रिपोर्ट्सनुसार की, रोहित शर्माचा ऑस्ट्रेलिया दौरा त्याचा शेवटचा इंटरनेशनल टूर असू शकतो.
Location :
Mumbai,Maharashtra
First Published :
October 08, 2025 7:36 AM IST
मराठी बातम्या/स्पोर्ट्स/
Rohit Sharma : टीम इंडियाची कॅप्टन्सी काढल्यानंतर रोहित शर्माची पहिली प्रतिक्रिया, म्हणाला 'ऑस्ट्रेलिया दौऱ्यात मला...'
