'रिटायरमेंट घेऊ का?', रोहित शर्माचा कुणीही न पाहिलेला मैदानातला Video, ऋषभ पंतने पहिल्यांदाच समोर आणला!

मुंबई : 15 ऑगस्ट रोजी भारताच्या कानाकोपऱ्यात स्वातंत्र्यदिन साजरा करण्यात आला. भारतीय क्रिकेटपटूंनीही स्वातंत्र्यदिनाच्या शुभेच्छा देताना देशाचं प्रतिनिधित्व करतानाचे त्यांचे फोटो आणि व्हिडिओ शेअर केले आहेत. पण ऋषभ पंतने शेअर केलेला एक व्हिडिओ चर्चेचा विषय बनला आहे. चाहत्यांनी आतापर्यंत कधीही न पाहिलेला रोहित शर्माच्या निवृत्तीबद्दलच्या वक्तव्याचा व्हिडिओ ऋषभ पंतने सोशल मीडियावर पोस्ट केला आहे. ऋषभ पंतने शेअर केलेला हा व्हिडिओ 2025 च्या चॅम्पियन्स ट्रॉफीमध्ये विजेतेपद मिळवल्यानंतरचा आहे. हा व्हिडिओ कोणत्या कॅमेरामनने नाही, तर स्वतः ऋषभ पंतने रेकॉर्ड केला आहे.