Shreyas Iyer : ऑस्ट्रेलियाविरुद्ध व्हाईस कॅप्टन्सी मिळताच श्रेयस अय्यरला 'जोर का झटका', 3 दिवसात मिळाली 'बॅड न्यूज'

पंजाब किंग्स (Punjab Kings) टीमचे स्पिन बॉलिंग कोच (Spin Bowling Coach) सुनील जोशी यांनी आपल्या पदाचा राजीनामा दिला आहे. जोशी यांनी आयपीएल मधील स्पिन बॉलिंग कोच जबाबदारी सोडण्याचा निर्णय घेतला आहे, अशी माहिती समोर आली आहे. त्यामुळे आता आगामी आयपीएलपूर्वी श्रेयस अय्यरला मोठा धक्का बसला आहे.

सूत्रांनी दिलेल्या माहितीनुसार, सुनील जोशी लवकरच बीसीसीआय (BCCI) च्या सेंटर ऑफ एक्सलन्स (Centre of Excellence - CoE) मध्ये महत्त्वपूर्ण भूमिका स्वीकारण्याची शक्यता आहे. हे CoE बंगळूर येथे स्थित आहे. त्यांच्या अनुभवाचा फायदा भारतीय क्रिकेटला CoE मार्फत मिळू शकेल. गेल्या हंगामात संघाच्या यशात प्रशिक्षकाने महत्त्वाची भूमिका बजावली होती.

पंजाबच्या एका अधिकाऱ्याचा हवाला देत क्रिकबझला सांगितलं आहे की, सुनील जोशी यांनी आम्हाला आगामी हंगामासाठी त्याच्या अनुपलब्धतेबद्दल माहिती दिली आहे. ते एक अद्भुत व्यक्ती होता आणि त्याचे फ्रँचायझीशी चांगले संबंध होते, परंतु आम्हाला कोणाच्याही कारकिर्दीच्या वाढीला अडथळा आणायचा नाही.

सुनील जोशी यांचा पंजाब किंग्ज सोबतचा हा दुसरा कार्यकाळ होता. त्यांनी यापूर्वी 2020 ते 2022 पर्यंत अनिल कुंबळे यांच्या नेतृत्वाखाली संघात काम केले होते. 2025 मध्ये रिकी पॉन्टिंग प्रशिक्षक झाल्यानंतर ते संघात परतले होते. ऑस्ट्रेलियन दिग्गज खेळाडूशी त्यांचे चांगले संबंध होते. जोशी यांनी भारतासाठी 15 कसोटी आणि 69 एकदिवसीय सामने खेळले. ते 1996 ते 2001 पर्यंत टीम इंडियाचा भाग होते.