स्मृतीने पलाशला कोरिओग्राफर मुलीसोबत रेड हँड पकडलं? बॉलिवूड अभिनेत्याचा खळबळजनक दावा! 'लग्नासाठी फक्त तो...'

23 नोव्हेंबर रोजी सांगली येथे एका खाजगी समारंभात लग्न होणार होते. लग्नापूर्वीचे समारंभ जोरात सुरू असतानाच, स्मृतीचे वडील श्रीनिवास मानधना यांना संगीत कार्यक्रमाच्या रात्री हृदयविकाराचा झटका आला, ज्यामुळे लग्न पुढे ढकलण्यात आले. स्मृती आणि पलाश यांचं लग्न पुढं ढकलण्याच्या घोषणेनंतर, पलाशच्या एका महिलेसोबतच्या कथित फ्लर्टी चॅटचे स्क्रीनशॉट सोशल मीडियावर व्हायरल होत आहेत. मेरी डि'कोस्टा नावाच्या एका महिलेने तिच्या इंस्टाग्राम स्टोरीवर पलाशसोबतच्या तिच्या चॅटचे स्क्रीनशॉट शेअर केले.

अशातच बॉलिवूड अभिनेता केआरके याने ट्विटरवर पोस्ट करत खळबळ उडवून दिलीये. 'रिपोर्ट्स बाहेर आल्या आहेत. स्मृती मंधनाने लग्न समारंभात पलाश मुच्छलला एका कोरिओग्राफर मुलीसोबत रंगेहाथ पकडले. साला कमाल का टोपीबाज आदमी है. म्हणजे तो फक्त प्रसिद्धीसाठी मानधनासोबत लग्न करत होता', असं केआरकेने म्हटलं आहे. केआरकेच्या ट्विटनंतर आता सोशल मीडियावर आणखी चर्चा होताना दिसत आहेत.

दरम्यान, स्मृतीने तिच्या सोशल मीडियावर आपल्या लग्नाचे सर्व पोस्ट डिलिट केल्या आहेत. तसेच स्मृतीच्या सहकारी खेळाडूंनी देखील सोशल मीडियावरून पोस्ट डिलिट केल्या. अशातच आता स्मृतीच्या जवळच्या मैत्रिणीने पलाशला अनफॉलो केल्याने चर्चेला उधाण आलं आहे.