ऋषभ पंतला ड्रेसिंग रुम सोडण्याचे आदेश, गंभीरने सर्वांसमोर असं काय म्हटलं? Inside Video समोर

Team India Dressing Room Inside Video : आपल्या उतावळापणासाठी नेहमी चर्चेत असलेल्या ऋषभ पंतने पहिल्या इनिंगमध्ये आक्रमक अंदाज दाखवण्याचा प्रयत्न केला अन् त्याच्या अंगठ्याला मोठी दुखापत झाली. ऋषभ पंतचा अंगठा फ्रँक्चर झाला. ऋषभला मैदान सोडावं लागलं. ऋषभने तरीही धीर सोडला नाही. ऋषभने लढत राहिला. पहिल्या इनिंगच्या अखेरीस ऋषभ पंत पुन्हा मैदानात आला अन् अर्धशतकीय खेळी केली. ऋषभ पंतच्या याच झुंजार वृत्तीचं सर्वत्र कौतूक होत आहे. अशातच आता ऋषभ पंत टीम इंडियातून बाहेर झाल्याचं बीसीसीआयने जाहीर केलं असल्याने त्याला ड्रेसिंग रुम सोडावी लागणार आहे. त्यानंतर ऋषभ पंतने भारतीय टीमला भावूक संदेश देखील दिलाय. ड्रेसिंग रुममधला एक व्हिडीओ समोर आला आहे.