काँग्रेस सरकारमध्ये पहिला मुस्लीम मंत्री, माजी कर्णधार पहिल्यांदाच घेणार मंत्रि‍पदाची शपथ

Mohammad Azharuddin Telanagana Government : तेलंगणा सरकारमध्ये लवकरच मंत्रिमंडळ विस्तार होणार आहे. या मंत्रिमंडळ विस्तारात विधान परिषद आमदार आणि माजी क्रिकेटपटू मोहम्मद अझहरुद्दीन यांना तेलंगणा सरकारमध्ये मंत्री करण्यात येणार आहे. त्यामुळे 31 ऑक्टोबर 2025ला (शुक्रवारी) राजभवनात त्यांचा शपथविधी पार पडणार आहे. अझहरुद्दीन यांना मंत्रिपद देण्यामागे 11 नोव्हेंबरला पार पडणाऱ्या जुबली हिल्स विधानसभा मतदारसंघातील पोटनिवडणुकीचं कारण सांगितलं जातं. कारण या मतदारसंघात मुस्लिम मतदारांची संख्या सुमारे 30 टक्के आहे.त्यामुळे अझहरुद्दीन यांना कॅबिनेटमध्ये घेऊन काँग्रेसला मोठा फायदा होणार आहे, असे बोलले जात आहे.