टेस्टमधून डावललं, मग मुंबई इंडियन्सच्या खेळाडूने घेतला मोठा निर्णय, इंग्लंडमध्ये 'या' स्पर्धेत खेळणार

ऋतुराज गायकवाडनंतर आता आयपीएलमध्ये मुंबई इंडियन्सकडून खेळणाऱ्या तिलक वर्माने इंग्लंडच्या काउंटी चॅम्पियनशिपचा मार्ग स्वीकारला आहे. तिलक वर्माने हॅम्पशायरशी करार केला आहे.'हैदराबाद क्रिकेट असोसिएशनला हे कळवताना आनंद होत आहे की तिलक वर्मा यांना हॅम्पशायर काउंटी संघाने ब्रिटनच्या काउंटी चॅम्पियनशिप लीगमध्ये खेळण्यासाठी संपर्क साधला आहे. हैदराबाद क्रिकेट असोसिएशन त्यांना हॅम्पशायर काउंटीसोबतच्या अद्भुत सहकार्यासाठी शुभेच्छा देते, अशी माहिती हैदराबाद क्रिकेट असोसिएशनने (एचसीए) बुधवारी दिली.

हैदराबाद येथील रहिवासी असलेल्या 22 वर्षीय तिलक वर्मा यांनी भारतासाठी 25 टी20 आणि 4 एकदिवसीय सामन्यांमध्ये अनुक्रमे 749 आणि 68 धावा केल्या आहेत.तिलक वर्माने १८ प्रथम श्रेणी सामन्यांमध्ये 50.16 च्या सरासरीने 1 हजार 204 धावा केल्या आहेत. त्याच्या नावावर पाच शतके आणि चार अर्धशतके आहेत. त्याचा सर्वोच्च धावसंख्या 121 धावा आहे याशिवाय तिलक वर्माने 36 लिस्ट ए आणि 119 टी20 सामने खेळले आहेत. आयपीएलमध्ये त्याने मुंबई इंडियन्ससाठी ५४ सामन्यांमध्ये १४९९ धावा केल्या आहेत.