Trending:

VIDEO : आयपीएल संपलं तरी पठ्ठ्याची बॅट काय थांबेना, 14 वर्षांच्या वैभवने पुन्हा पाडला धावांचा पाऊस

Published by:Prashant Gomane

Last Updated:June 07, 2025 10:26 PM IST

अशाच एका खेळाडूची आता आयपीएलच्या समाप्तीनंतर बॅट तळपली आहे. 14 वर्षीय वैभव सुर्यवंशीने आता पुन्हा धावांचा पाऊस पाडला आहे. या संदर्भातला आता व्हिडिओ सोशल मीडियावर व्हायरल झाला आहे.

Vaibhav Suryavashi Video : आयपीएल संपूष्ठात आल्यानंतर विदेशी खेळाडू मायदेशी परतले आहे, तर भारतीय खेळाडू आपआपल्या घरी गेले आहेत. यामधील काही खेळाडूंनी स्पर्धेच्या समाप्तीनंतर लगेचच दुसऱ्या स्पर्धेत सहभाग घेतला आहे. अशाच एका खेळाडूची आता आयपीएलच्या समाप्तीनंतर बॅट तळपली आहे. 14 वर्षीय वैभव सुर्यवंशीने आता पुन्हा धावांचा पाऊस पाडला आहे. या संदर्भातला आता व्हिडिओ सोशल मीडियावर व्हायरल झाला आहे.

खरं तर आयपीएलमध्ये 14 वर्षाच्या वैभव सुर्यवंशीला राजस्थानच्या संघात खूप उशीरा साथ मिळाली. मात्र यानंतर देखील त्याने आपल्या फलंदाजीची चमक दाखवली होती. ही चमक त्याने शेवटपर्यंत टीकून ठेवली होती. पण आता आयपीएलच्या समाप्तीनंतरही वैभव सुर्यवंशीची बॅट तळपली आहे. कारण वैभव सुर्यवंशीने पुन्हा धावांचा पाऊस पाडला आहे.

Vaibhav Suryavanshi in the U19 NCA camp. pic.twitter.com/e6eCD9yqiV

— Mufaddal Vohra (@mufaddal_vohra) June 7, 2025

सोशल मीडियावर सध्या वैभव सुर्यवंशीचा एक व्हिडिओ व्हायरल झाला आहे.या व्हिडिओत वैभव सुर्यवंशी गोलंदाजांची धुलाई करून आक्रामक फलंदाजी करताना दिसला आहे. एनसीए अंडर 19 कॅम्पचा हा व्हिडिओ आहे. या व्हिडिओत सुर्यवंशी आयपीएलसारखीच फलंदाजी करताना दिसला आहे

दरम्यान वैभव सुर्यवंशीने 2025च्या आयपीएल हंगामात राजस्थान रॉयल्ससाठी सात सामन्यांमध्ये 206.55च्या स्ट्राईक रेटने एकूण 252 धावा काढल्या आणि सुपरस्ट्रायकर ऑफ द सीझनचा पुरस्कार मिळवला आहे.

वैभव सुर्यवंशीचे रेकॉर्ड

वैभवने वयाच्या 14 वर्षे आणि 23 दिवसांत आयपीएलमध्ये पदार्पण केले, ज्यामुळे तो आयपीएल इतिहासातील सर्वात कमी वयाचा खेळाडू ठरला. त्याने प्रयास रे बर्मन याचा रेकॉर्ड मोडला, ज्याने 16 वर्षे आणि 157 दिवसांत पदार्पण केले होते.

19 एप्रिल 2025 रोजी लखनऊ सुपर जायंट्सविरुद्ध जयपूरच्या सवाई मानसिंग स्टेडियममध्ये वैभवने आयपीएल पदार्पणात पहिल्याच चेंडूवर षटकार मारला. हा सामना त्याने 20 चेंडूत 34 धावा केल्या.

28 एप्रिल 2025 रोजी गुजरात टायटन्सविरुद्ध वैभवने 35 चेंडूत शतक झळकावले, जे आयपीएलमधील दुसरे सर्वात वेगवान शतक आणि भारतीय खेळाडूकडून सर्वात वेगवान शतक आहे. या खेळीत त्याने 7 चौकार आणि 11 षटकार मारले, ज्यामुळे त्याने मुरली विजय याच्या एका डावातील सर्वाधिक 11 षटकारांच्या विक्रमाशी बरोबरी केली. यासह तो टी-20 क्रिकेटमध्ये शतक करणारा सर्वात कमी वयाचा खेळाडू ठरला.

वैभवने 7 सामन्यांत 24 षटकार मारले. जर त्याने सर्व 14 सामने खेळले असते, तर तो 48-50 षटकारांसह अभिषेक शर्मा याच्या एका हंगामातील 42 षटकारांच्या भारतीय विक्रमाला मागे टाकू शकला असता.

वैभवने 20 वर्षांखालील खेळाडूंमध्ये आयपीएल 2025 मध्ये सर्वाधिक षटकार मारण्याचा विक्रम नोंदवला.

Location :

Mumbai,Maharashtra

First Published :

June 07, 2025 10:26 PM IST

VIDEO : आयपीएल संपलं तरी पठ्ठ्याची बॅट काय थांबेना, 14 वर्षांच्या वैभवने पुन्हा पाडला धावांचा पाऊस