WPL Auction: शमीपेक्षा 1 वर्षांनी मोठी, महिन्याभरापूर्वी निवृत्ती, ज्या वयात क्रिकेट सोडतात, त्या वयात पोरीने करोडो मोजायला भाग पाडलं

खरं तर नवी दिल्लीत वुमेन्स प्रिमियर लीग 2026 च्या मिनी ऑक्शनला सूरूवात झाली आहे. या लिलावात मोहम्मद शमीपेक्षा एका वर्षाने मोठ्या असलेल्या न्युझीलंडच्या सोफी डिवाईनला संधी मिळाली आहे. सोफी डिवाईनने याच वर्षी वुमेन्स वर्ल्ड कप दरम्यान वनडे क्रिकेटमधून निवृत्तीची घोषणा केली होती. तिने शेवटचा वनडे सामनाह हा इंग्लंडविरुद्ध वर्ल्ड कपमध्ये खेळला होता. या सामन्यात तिला दोन्ही संघांकडून तिला गार्ड ऑफ ऑनर देण्यात आला होता.

दरम्यान जरी सोफीने वनडेतून निवृत्तीची घोषणा केली असली तरी तिने टी20 क्रिकेटमध्ये खेळण्याचा निर्णय कायम ठेवला आहे. तसेच ती यंदाच्या वर्षी वुमेन्स प्रिमियर लीगमध्ये खेळतानाही दिसणार आहे. आज या लीगसाठी मिनी ऑक्शन पार पडला होता.या ऑक्शनमध्ये तीची बेसप्राईज 50 लाख रूपये होती. पण तिला आता लिलावात 2 करोडच्या किमतीत गुजरात जाएटसने ताफ्यात घेतले आहे.त्यामुळे गुजरातची ताकद वाढणार आहे.

सोफी डिवाईन अष्टपैलू खेळाडूसह पॉवर-हिटिंगसाठी आणि नेतृत्वासाठी ओळखली जाते.तिने एकदिवसीय सामन्यांमध्ये 4000 हून अधिक धावा आणि 100 हून अधिक विकेट्स घेणारी न्यूझीलंडची एकमेव खेळाडू आहे.तिच्या ताफ्यात येण्याने गुजरातची ताकद वाढणार आहे.