instagram ने आणलं नवं फीचर! आता रिल्स बोलेल तुमची भाषा, पाहा कशी 

मुंबई : सोशल मीडिया प्लॅटफॉर्म इंस्टाग्राम पुन्हा एकदा त्यांच्या यूझर्ससाठी एक मोठा बदल करत आहे. या बदलामुळे रील्स तयार करणाऱ्या आणि पाहणाऱ्या लाखो यूझर्सचा अनुभव पूर्णपणे बदलून जाईल. कंपनी आता त्यांच्या यूझर्ससाठी त्यांच्या एआय व्हॉइस ट्रान्सलेशन फीचरची एक नवीन व्हर्जन सादर करत आहे. या नवीन फीचरमध्ये पाच नवीन भारतीय भाषा येतील. हे फीचर लवकरच वेगवेगळ्या भाषांमुळे जाणवणारे अंतर दूर करू शकते. या नवीन फीचरमुळे, तुम्ही आता रील्सवर बंगाली, तमिळ, तेलुगू, कन्नड आणि मराठी भाषेत तुमचा स्वतःचा आवाज ऐकू शकता. यातील खास गोष्ट म्हणजे वेगवेगळ्या भाषांमध्ये आवाज बदलल्यानंतरही, क्रिएटर्सच्या आवाजाची शैली आणि भाव सारखाच राहील.