Laptop चा होऊ शकतो बॉम्बसारखा स्फोट! उन्हाळ्यात घ्यावी ही काळजी

Published by:Mohini Vaishnav

Last Updated:Apr 10, 2025 2:10 PM IST

Laptop Blast Reason: उन्हाळ्यात लॅपटॉपचा स्फोट होण्याचा धोका जास्त असतो. अशा परिस्थितीत आपण काही खास गोष्टींची काळजी घेणे महत्वाचे आहे. लॅपटॉपचा स्फोट कशामुळे होऊ शकतो आणि कोणत्या 5 गोष्टी लक्षात ठेवल्या पाहिजेत ते जाणून घेऊया.

Laptop Blast Reason: कोणतेही इलेक्ट्रॉनिक उपकरण जास्त काळ वापरणे योग्य नाही आणि ते जास्त गरम होणे देखील सामान्य आहे. इतर ऋतूंपेक्षा उन्हाळ्यात इलेक्ट्रॉनिक उपकरणे जास्त गरम होतात. त्यामुळे स्मार्टफोन, लॅपटॉप किंवा इतर कोणतेही उपकरण वापरताना काही गोष्टींची विशेष काळजी घेणे महत्वाचे आहे. लॅपटॉपबद्दल बोलायचे झाले तर, बॅटरी जास्त दाबाखाली ठेवल्यास किंवा ती जास्त गरम झाल्यास तिचा स्फोट होऊ शकतो. अनेक लॅपटॉपच्या स्फोटामागील कारण लिथियम-आधारित बॅटरी जास्त गरम होणे असल्याचे सांगितले जाते. लॅपटॉपचा दीर्घकाळ सतत वापर केल्याने त्याच्या कामगिरीवर परिणाम होतो. याशिवाय, त्याचा बॅटरीवरही वाईट परिणाम होतो. लॅपटॉपचा स्फोट होण्यापासून बचाव करण्यासाठी काही टिप्स जाणून घेऊया?

WhatsApp यूझर्ससाठी सिक्योरिटी वॉर्निंग जारी! एका चुकीमुळे होऊ शकतं मोठं नुकसान

एअर कूलिंग पॅड वापरा

तुम्ही लॅपटॉपवर बराच वेळ काम करत असाल किंवा बराच वेळ काम करणे आवश्यक असेल तर तुम्ही एअर कूलिंग पॅड वापरू शकता. जर तुम्ही लॅपटॉप बराच काळ वापरत असाल तर एअर कूलिंग पॅड वापरणे हा सर्वोत्तम पर्याय असू शकतो. तुम्ही ते सहज खरेदी करू शकता. हे बाजारात ऑनलाइन आणि ऑफलाइन दोन्ही प्रकारे उपलब्ध आहे.

हवेचे वेंट्स बंद करण्याची चूक करू नका

बऱ्याचदा लोकांना लॅपटॉप टेबलावर किंवा कोणत्याही कठीण पृष्ठभागावर ठेवण्याऐवजी बेडवर किंवा मांडीवर वापरण्याची सवय असते. तसंच, अशी सवय लॅपटॉपला हानी पोहोचवू शकते. लॅपटॉप थंड ठेवण्यासाठी एअर व्हेंट्सची आवश्यकता असते, परंतु जेव्हा लॅपटॉप बेडवर किंवा मांडीवर वापरला जातो तेव्हा एअर व्हेंट्स ब्लॉक होऊ शकतात. अशा परिस्थितीत, लॅपटॉप जास्त गरम होतो आणि त्याचा स्फोट देखील होऊ शकतो.

Jio फक्त 11 रुपयांत देतंय भारी प्लॅन! मिळेल अनलिमिटेड डेटा

फक्त कंपनीचा चार्जर वापरा

लॅपटॉपची बॅटरी पूर्ण भरून ठेवणे किंवा चार्ज करणे हेच महत्त्वाचे नाही. तुमचे डिव्हाइस चार्ज करण्यासाठी तुम्ही कोणता चार्जर वापरत आहात हे देखील लक्षात ठेवा. दुसऱ्या कोणाच्याही लॅपटॉप चार्जरने तुमचा लॅपटॉप चार्ज करु नका. लॅपटॉपसोबत आलेलाच चार्जर वापरा. अशा परिस्थितीत बॅटरीवर दबाव येणार नाही आणि बॅटरी लवकर खराब होणार नाही, ज्यामुळे स्फोट होण्याची शक्यता देखील कमी होईल.

तुमचा लॅपटॉप थंड ठेवणे महत्वाचे

तुम्हाला तुमचा लॅपटॉप स्फोटापासून वाचवायचा असेल तर लक्षात ठेवा की, तो थंड ठेवणे खूप महत्वाचे आहे. अशा परिस्थितीत काही गोष्टींची विशेष काळजी घ्या आणि लॅपटॉप वापरताना एअर कंडिशनर चालू ठेवा. हो, ज्या खोलीत एसी चालू आहे तिथेच राहा. जेव्हा तुम्ही तुमचा लॅपटॉप थंड ठिकाणी वापरता तेव्हा डिव्हाइस लवकर गरम होत नाही आणि त्याची कार्यक्षमता देखील चांगली राहते.

नको असलेल्या अ‍ॅप्सना बाय-बाय

लॅपटॉप गरम होण्याचे सर्वात महत्त्वाचे कारण म्हणजे बॅकग्राउंडमध्ये चालू असलेले अॅप्स. आपले काम करताना, लॅपटॉपवर कोणते अ‍ॅप्स चालू असतील याकडे आपण लक्ष देत नाही. असे अनेक अॅप्स आहेत जे लॅपटॉपवर विनाकारण चालत असताना खूप बॅटरी वापरतात. याशिवाय, ते बॅकग्राउंडमध्ये चालू असताना बॅटरी देखील वापरतात. ज्यामुळे डिव्हाइस गरम होऊ लागते आणि हे का होत आहे हे आपल्याला कळत नाही. म्हणून, बॅकग्राउंडमध्ये कोणते अॅप्स चालू आहेत ते तपासणे आणि जे आवश्यक नाहीत ते काढून टाकणे महत्वाचे आहे.

view comments

Location :

Mumbai,Maharashtra

First Published :

Apr 10, 2025 2:10 PM IST

Laptop चा होऊ शकतो बॉम्बसारखा स्फोट! उन्हाळ्यात घ्यावी ही काळजी