मुंबईत अग्नितांडव, लाकडाच्या गोदामाला भीषण आग, घटनास्थळाचा VIDEO

मुंबईतून पुन्हा एकदा आगीची घटना घडली आहे.मुंबईच्या नागपाडा येथे लाकडावाला बाजाराला संध्याकाळच्या सुमारास अचानक लाकडाच्या गोडाऊनला आग लागली. बघता बघता आगीने रौद्ररुपधारण केलं. लाकडाचं गोदाम असल्यामुळे आगीचा भडका उडाला. या गोदामाच्या आजूबाजूला मोठी दाटवस्ती असल्याने भीतीचं वातावरण होतं. मात्र, वेळीच अग्निशमन दलाच्या 7 ते 8 गाड्या दाखल झाल्या आणि आगीवर नियंत्रण मिळवलं. सुदैवाने आगीत कोणतीही जीवितहानी झाली नाही. मात्र मालमत्तेचं मोठं नुकसान झालं आहे.